Useronline Insert Failed > Nasce « Revestito » a Messina. Una Rivista on line per tutti. Per tutti coloro che non tollerano più demagogia, privilegio, mistificazioni di poteri grossi o piccoli, che hanno messo alle strette l´umanità, la libertà, e soprattutto la dignità. Revestito ha significato ambivalente: non occorre che sia messo a nudo il re ,per evento eccezionale, affinchè la natura delle cose in qualche misura si disveli. La trasparenza dovrebbe essere alla base di ogni consorzio civile e di ogni Stato di diritto che tale pretenda definirsi.
Home
Notiziario
ChiVuol'esserLettoSia
Nel tempo
Personaggi
Photogallery
Rimestanze
RSS

martedì 22 settembre

STATISTICHE

Visitatori : 3454479

Pagine visitate : 91888742

Utenti connessi : 17

Il piacere di leggerli

Iscriviti alla
Mailing list
Email:

Rimestanze


Indietro

Nello CassataCassata Nello
[ Barcellona Pozzo di Gotto (ME) 06/04/1913 , Barcellona Pozzo di Gotto (ME) 1973 ]

PEPPA SPARACANNUNI

Peppa, a ddi tempi cc'un coppu 'i cannuni,
ccu 'na simplici badda cungignata,
facisti scappari li burbuni
e fusti l'eruina 'i dda jurnata.

Ora dda badda veni cunsirvata,
'n Catania ó Museu dù Comuni,
ricorda lu rumuru e la fumata
chi fannu ó jocu-focu i masculuni.

Si tu turnassi a fari l'eruina,
doppu cent'anni di dda vecchia storia,
autru chi baddi e chiummu a la ruvina...

Cosi di fari trimari li coria:
l'atomica a Nagasachi e Iruscima,
chista sarria la to' nova gloria!

da Aranciu amaru


___________________________________________________________________

ARANCIU AMARU

Pari stu mundu
'n aranciu amaru:
l'omu su cogghi
ma 'u palataru
cci resta veru
zzaggariatu.

A picca a picca
cci fa lu gustu:
'u va truvandu amaru e duci;
murmuriandu
si porta 'a cruci.

Poi pù caminu
si fa pisanti;
murmuriandu
arranca avanti:
'a vita è bedda,
e lassa sempri
'na sciangazzedda.

Distinu 'ill'omu:
si cutturìa
ma non s'arrendi,
cerca lu nnestu
pi fari duci
st'aranciu arestu.

da Aranciu amaru


___________________________________________________________________

'A TERRA CHI MI FICI

Lu mundu è chinu di biddizzi rari
chi lu Signuri fici a profusioni,
e l'omu doppu 'u seppi circundari
di tutti li cchiù beddi invenzioni.

Pi chistu 'u mundu lu vurria girari
di longu e largu in tutti li so' zoni,
ma poi vurria l'ali e riturnari
ttaccatu comu sugnu a li me' ngoni.

Chi s'iddu partu lu me' cori resta
a stu pezzu di terra chi mi fici,
a lu cunfruntu nica e assai mudesta.

E mentri su' ntó megghiu di la festa,
sentu 'na vuci 'n pettu chi mi dici:
ritorna, lupu 'i tana, a to' furesta.

da Aranciu amaru


___________________________________________________________________

'U ME' SENSU

Pi sentiri cchiù forti lu sapuri
di sta me' terra e 'u ciaru dì ranciari,
pi mi ristari nta l'occhi i culuri
di sta campagna, stu celu, stu mari,

p'aviri sempri ntè ricchi 'u parrari
di gioì, di spiranzi, di duluri,
pi mi vuliri inchiri, sazziari,
l'anima 'i luci e daricci caluri,

scrissi sti versi mei 'n sicilianu,
scigghì sti ciuri e spini pi caminu,
e fu lu cori chi spincìu la manu.

Ora vi lassù a lu vostru distinu,
ciuri ricoti nta stu chianu chianu,
di sta me' terra ch'eni 'nu giardinu.

da Aranciu amaru


___________________________________________________________________

'A VERA BIDDIZZA





Sì, cci nni sunnu assai fimmini beddi,
chi parunu daveru fatti a manu,
oggi la moda 'i voli rutundeddi,
ccu tuttu 'u capitali misu nchianu.

Megghiu si sannu nnacari li ffeddi,
ballari 'u "rocchi", parrari rumanu,
cantari lamintusi o sguaiateddi,
addiventunu stiddi 'i primu pianu.

Ma quantu vali 'na centinivota,
limpida comu l'acqua di lu munti,
frisca comu 'na puma rossa e dura!

Quandu 'sta bedda figghia va a la cota,
lu suli cci fa lluciri la frunti,
cantunu aceddi e l'aria si vota.

da Aranciu amaru


___________________________________________________________________

'U CARRETTU SICILIANU

Ch'è beddu lu carrettu sicilianu!
Pezzu pi pezzu è jocu 'i fantasia
d'un ginirusu e nobbili artigianu,
chi ntò misteri 'u cori cci mittia.

E lu pitturi mentri dipincìa
'a guerra 'i Carlu Magnu cristianu,
cci misi tanta e tali maistria,
chi ccu 'na spata si puncìu 'na manu.

Nisceru i roti megghiu di 'na sfera,
e nnamuraru ón baiu malandrinu,
mbradatu a festa ccu la sunagghiera.

I varnamenta sunnu d'oru finu,
sprennunu lu pinnacchiu e la tistera,
e d'unni passa, passa un figurinu.

da Aranciu amaru


___________________________________________________________________



Pagina 1 di 4___________________1 2 3 4 >>

Indietro