Home
Notiziario
ChiVuol'esserLettoSia
Nel tempo
Personaggi
Photogallery
Rimestanze
RSS

lunedì 13 luglio

STATISTICHE

Visitatori : 3419397

Pagine visitate : 90730231

Utenti connessi : 24

Il piacere di leggerli

Iscriviti alla
Mailing list
Email:

Rimestanze


Indietro

Vito NatoliNatoli Vito
[ Gioiosa Marea (Messina) 28/09/1951 , ]

CHISTA E' GIUJUSA
Chista è Giujusa
ca di d'abbanna 'u ciumi,
a punenti, talìa Pirainu
sinu a mari.
A marina cu' mari scunfina.

A Livanti, 'ill'autru latu,
c'èni Patti cu l'anchi 'nto'n latu,
cu'n tinuti a timpi forti.

A menzu a la Cucuzza,
si apri la bisazza,
unni si vaci
grandiusu si trova,
comu 'nta vecchia
puru 'nta nova.

China di ruzzuluna
e di vadduna
china d'alastri
e china di rozza,
china di taliati
di fimmini gilusi di razza,
chista è Giujusa:
chi giujusu si nasci
e giujusu si mori.
___________________________________________________________________

Lena 'i pueta si' 'na fintizza

Ora la cira cula,
li frunti su' citati
chi puma a pinzuluni.
Paremu pagghiacci
chi facci 'mbarsamati
'mpinrtuti arreri a li barcunati.
___________________________________________________________________

Luna ‘i pueta
dammi lu tiatru


Semu pagghiacci 'mbarsamati,
nesci la cumparsa e jnchi 'u tiatru;
quannu e' chinu tutti facemu scena,
'A scena è nu personaggiu
chi dura picca
e mentri gudemu
e ridemu
t'accorgi chi canciau.
Cerchi la fiura
la teni 'nta la menti,
ti pari ca la vidi,
ma lu spittaculu llistìu.
'Sta vita è 'na cumparsa
e semu tutti in scena,
la parti cchiù 'mpurtanti
è chidda cchi lassamu.
Lacrimami l'occhi
pi' dari pinitenzi
e nostri beddi facci
chi si talianu 'n frunti
quannu sunnu cirati.
Da li frunti chi vardamu
nesciunu paroli
chi tutti nni’ scurdamu
chiudennu lu sipariu.
N-ni’ resta 'na specia 'i musica,
la vulissimu ricurdari
sempri cu' tutti li smorfi
chi a 'mmucciuni ripeti la luna.
___________________________________________________________________

MISERIA O PICCA 'RAZIONI

Chistu diceva lu patri quannu lu visti chi
parrava a Rocca 'i Corbu:
"Cira chi squagghi, sivu ti facisti!",
io ti travagghiai e tu furma pigghiasti;
japristi 'a vucca e mi ridisti,
quannu 'na testa d'erica scippasti,
la testa rideva ca di lu preju
accussì la morti alluntanasti.
Supra la Rocca 'i Corbu mi lassasti,
cun mazzu 'i frasca a spadda, mi dicisti:
"Ligna pu furnu, portili a casa! ".
Si mortu 'i friddu senza scarpi e pedi,
ti visti chi parravi a Rocca 'i Corbu,
mentri 'naceddu vulava a mari.
E strada fici cu 'ddu mazzu i frasca,
cu ditti giujusani di l'invernu.
Acqua di mari arricampa 'nvernu,
na vota l'annu s'intramisca 'ufunnu,
dormunu arbiri e sarmenti,
a troppa sonnu nun ponnu stari;
li fogghi 'nterra sunna gialla mantu,
'nta li majsi pari fanghiari,
irbitta tennira jnchi virina a pecura
chi l'agnidduzzu ama ammazzari...

Cu 'stu sicilianu lentu 'i corda,
chi dura diventa si si bagna,
sicilianu sugnu a la castagna,
sicilianu sugnu a la Martogghiu,
pastusa lingua masticu e tagghiu,
a me Giujusa mi desi la megghiu,
stricata casa casa cu sali e l'ogghiu,
cunzata a la nustrali cu lu sarmurigghiu,
pari "Cintuna" ca guverna 'u 'ranni atturi,
ca 'ntà li nostri casi avissi a stari...
Culostru bivu, sangu di la matri,
jò bippi a quindici anni,
quannu "vucava 'u marunaru ",
e me patri cantava 'sti canzuni,
liggiu U Baruni 'i Ruvulitu,
mittennu sali e ogghiu e lu nasu ti tagghiu,
purtannuli a rimunnari o cantu di 'livari.
I mè libri erunu comu fauci a tagghiari.
Ma si 'nu sceccu ragghia,
lu travagghiu nun quagghia.
Sceccu chi ragghia, eira chi squagghia,
sceccu chi ragghia voli 'u fenu,
nun mancia pagghia...
Mazzacanagghia, rasagghia,
ntè sarauli, carriava...

Omini cu ciappi 'i tonu,
cantuneri 'i bucu,
supra li spaddi purtavanu.
A lu bisolu ca testa 'nfasciata,
cu pezzi 'i sambucu,
p'alligiriri lu mali 'i stagiuni
du suli 'i travagghiu.
Lu nannu cuntava i viaggi
du sceccu e di l'omini.
Cira squagghia,
pagghia a Lipari non arrivava,
u suli codda e travagghiu non si nni vidi
___________________________________________________________________

CANZUNI

Si 'a genti a Ciappi 'i Tonu sta cantannu,
ci portu 'nu marranzanu du sonu eternu.
Nneo, nneo, nneo, nneo-nneo,
fici 'na canzuna cu versu du marranzanu...
Chi cordi di lu ciatu
'sta genti l'ha cantatu...
Fici 'na canzuna sunannu 'u friscalettu,
scavannu intra 'u pettu 'na sirinata fici.
Scavannu 'ntè ricordi,
e ricugghiennu cinniri,
oramai su scurdati li vecchi zappaturi,
spaddazzi arrussicati, mustazzi arrugginiti,
cu 'ddu tabaccu 'i nasu facevanu fetu e fumu.
Cu manazzi duri, cu 'ddi vinazzi 'rossi,
'ddi facciazzi bruciati,
piscistocchi sicchi comu ficarazzi appinnuti,
lu tempu l'arricoti...
'Na sirinata fici, cun friscalettu friscu,
lu marranzanu sonu,
cantannu pi 'sta genti
chiamata 'i Ciappi 'i Tonu.

E si canzuna da genti,
una ci nn'era, pi Bastrima a lavari.
Canzuna da menti una ci nn'era
pi Bastrima a lavari...
"Portila 'ntesta, tenila ritta,
na fari rumpiri, è biniditta!"
'A gibbia è curma,
ca sapunata 'i mari,
cinniri a moddu,
robbi a lavari.

Vistineddi longhi,
petti 'ntrusciati,
manichi arricoti.

Bumbuleddi e quartari,
bagnaroli a migghiara,
cannistri cu pezzi 'i linu...
Acqua Bastramota, leva 'a siti,
siti leva e campagnoli.
Canzuna da genti
chi lu tempu l'arricoti.
___________________________________________________________________

Indietro