Home
Notiziario
ChiVuol'esserLettoSia
Nel tempo
Personaggi
Photogallery
Rimestanze
RSS

mercoledý 26 febbraio

STATISTICHE

Visitatori : 3343999

Pagine visitate : 89042321

Utenti connessi : 15

Il piacere di leggerli

Iscriviti alla
Mailing list
Email:

Rimestanze


Indietro

Maria CostaCosta Maria
[ Messina , ]

COLAPISCI

So matri lu chiamava: Colapisci!
sempri a mari, a mari, scura e brisci,
ciata 'u sciroccu, zottiati sferra,
o Piscicola miu trasi ntera!

Iddu sciddicava comu anghidda
siguennu 'u s˛ distinu, la s˛ stidda.
Annava fora, facia lagghi giri,
e Canzirri, 'o Faru e Petri Niri.

Un ghionnu s˛ maistÓ 'u vinni a sapiri,
e si pprisintau a iddu c¨ stu diri:
I˛ sacciu chi si l'incantu da' rivera
e di lu Faru potti la bannera,

scinni 'o funnu a metri, passi e milia
e dimmi com'Ŕ cumposta la Sigilýa,
sŔ supra rocchi, massi o mammurina
e qual'Ŕ la posa di la t˛ Missina.

Ie Colapisci, figghiolu abbidienti
mpizzau 'o funnu, rittu tempu nenti.
'U Re facýa: chi beddu asimplari
e figghiu a Cariddi e non si nigari.

Sulligitu nchianau Colapisci
comu murina chi so' canni lisci,
dicennu: "maistÓ 'a bedda Missina
vessu punenti pari chi ssi 'ncrina.

S¨ tri culonni cÓ tenunu mpedi,
una Ŕ rutta, una Ŕ sana e l'autra cedi.
Ma 'u Re tistazza 'i gemmanisi
'u rimannau pi' n'autri centu stisi.

Iddu ssummau e ci dissi: MaistÓ
Ŕ tutta focu 'a basi dÓ citÓ.
'U Re 'llampau e 'n 'coppu i maretta
'i sgarru ci sfilau la vigghetta.

Giovi, Nettunu, dissi a vuci china,
quantu fu latra sta ributtatina.
Oh Colapisci, scinni lupu 'i mari
e vidi si mi la poi tu truvari!

Era cumprimentu dÓ rigina,
l'haiu a malaggurio e ruina.
E Colapisci, nuncenti, figghiu miu,
'a facci sa fici ianca d¨ spirýu

dicennu: MaistÓ gran dignitari
mi raccumannu sulu 'o Diu d¨ mari.
e tempu nenti fici a gira e vota
scutuliau a cuta e a lena sciota

tagghiau 'i centru e centru a testa sutta
e si 'ndirizzau pÓ culonna rutta.
Ciccava Colapisci 'i tutti i lati
cu di mani russi Lazzariati,

ciccau comu potti 'nt˛ funnali
ma i boddira 'nchianavanu 'ncanali.
'U mari avia 'a facci 'i viddi ramu
e allura 'u Re ci fici 'stu richiamu:

Colapisci chi fai, dimurasti?
e a vint'una i cavaddi foru all'asti.
E Cola cecca e cecca 'ntÓ lu strittu
'st 'aneddu fattu, 'ntÓ l'anticu Agittu.

S˛ matri, mischinedda ancora 'u chiama
cÓ mani a janga e 'ncori 'na lama.
Ma Colapisci cecca e cicchirÓ
st'aneddu d'oru pi l'atennitÓ.

___________________________________________________________________

DINA E CLARENZA

Mmisi ţ mazzu 'm 'Palemmu 'ntÓ scurata
'm 'picciottu si 'ncazzau c'un nfrancisi,
da vuci 'ntunau pý tutti i paisi
di la Sigilia, affritta e scunzulata.

'NtÓ Missina ci fu 'na gran 'n 'zunata
di campani, sguazzati e, quattru venti,
Dina e Clarenza ruspigghiannu e genti,
'nchianaru a pedi nterra 'ntÓ travata.

Tirannu petri, frecci e mazzacani,
diciunu: Bastaddi rinculati!
dicitincillu a Callu, cori 'i cani,
nn'havi puru pý iddu 'i 'sti pitrati.

Clarenza, sbraitava apettamenti:
o finiri 'u cumannu e 'a caristia,
pi' vostri casi, francisi fitenti,
ittati ogghiu tutti nziemi a mmia!

Dina, 'vanzava zizziÓnnu i denti,
armata d'un santissimu bastuni,
dannu coppa cu'tutti i sacramenti,
dicennu: annativinni gran 'nfamuni!

Straqquati, suddati e prodi arceri,
scappaunu 'ttirruti a fui fui,
e i missinisi supra 'i balistreri,
spittaunu 'u cumannu i tutti i dui.

'A la fucca, cu' cuppa e cu' non cuppa!
diciunu li fimmini a sustegnu,
suddati ccipputi comu e ghiuppa,
chi cadiunu senza nuddu 'mpegnu.

Callu, cu' cabbuni ll'avia bagnatu,
accuminzau a mprumettiri e 'ndutari
ma Dina e Clarenza, fimmini asimplari,
dissiru: no a tuttu tuttu ciatu!

E di li mura di la Caperrina,
si vitti 'na palumma giriari,
di li francisi fu cannificina
e de la Sigilia si nn'appunu a scappari.

Dina e Clarenza, donni curaggiusi,
sunannu 'na notti li campani,
sabbaru la citadi di soprusi,
d¨ aroini di Vespri Siciliani!

___________________________________________________________________

'A Pignata

'Nto minzaneddu de la casa da marina
unni tegnu cosi i vecchi, cosi 'i mari,
quasi mmucciata vicinu na catina
ogi ti vitti e mi misi a pinzari:

Oh pignata, pignatedda mia,
quantu ricoddi mi svigghia 'a t˛ prisenza,
penzu a cetti ionna i caristia,
quannu me patri campava cu la lenza.

sanguigna, 'nto me cori 'na gran piaga,
vidi a me' matri sula, 'ffamigghiata,
'nn 'avia ottu, a ranni era malata
e l'uttimu ciancýa 'nta la naca.

Iunnati 'i friddu di capu matina,
ciaccÓva ligna d'alici e luvara,
poi mpiccicava, facia 'na caccÓra
e tu bugghivi ciciri e paglina.

C'eranu i ionna di favi a cunigghiu,
iunnati 'i farru, siri di cicecca,
cu canuscýa 'u filettu, 'u sammurigghiu,
i tottellini, 'u gratt˛, u lecca, lecca.

Mi ricoddu chi me matri, chianu,chianu,
ti mintýa supa 'na codda a fomma i chiaccu,
poi inchýa piatti 'i favi a mmaccu,
e dicia: chistu a Pippo, chistu a Tanu.

Erumu tanti, na gran tavulata,
e a menzionnu, puntuali e precisi comu Omega,
nni ssittaumu e tu, nira pignata
facivi ligumi chi era 'na mantega.

Ma nta di ionna crudi di sciroccu,
quannu me patri non annava a piscari
tu pignatedda bugghivi sulu patati,
e nto me cori scinnýa comu on toccu.

Era l'avisu di ionna tribulati.

Poi tempi i guerra, bugghisti 'na lattuga,
brutta, scunnuta; ah chi niri matini,
ancora vidu a mŔ matri cu' l'occhi cianciulini,
cÓ voti non ti putia mentiri mancu supa!

___________________________________________________________________

'U LUNTRITTU

Oh luntritteddu di li piscispadu
ora si attoggiu, senzanuddu gradu!

Hai rasti cu' pianti e cu' ciuri,
stipati a basciu tutti pari pari.

'A rrota 'i prua esti tutta aperta,
e trasi e nesci scantata na lucetta.

I˛ cu la menti ricurru a lu passatu,
penzu a Nicola, 'u figghiu du "Zitu",

quannu a s˛ buci e mmanu 'a traffinera,
'ntunava chiara pi' tutta la rivera.

Non c'erunu machini, ne mutucicretti
ma Sampiroti supra di carretti.

'U piscispadu, poviri nnumaleddu
era cintratu ntÓ nuci du coddu.

Poi Masi sveltu, comu on firringhiddu,
ci dava caloma nziemi o' figghiu 'i Teddu.

A muntantara t'allaggava fora
e u nnimaledddu si dibbatýa ancora.

Poi 'ntÓ marina tagghiavunu i piditti
era la festa di vui niri luntritti.

E tu luntrittu, sveltu, ubbidienti
ti biavi cu st'omini i tridenti.

Ora si mutu, poviru lontrittu,
comu on vecchiareddu affrittu, affrittu.

Chi machinari e chi cosi chi nvitaru
canciau Ganzirri, canciau puru 'u Faru.

Tu vaddi 'u mari 'nte ionna di calura
e i sapi 'u celu, i t˛ goccia di sudura.

Penzi o siari e a du: "Voga nterra, voga fora"
quannu cu pisci ntavulavi guerra.

Sguazzannu basci du' ocamarini,
parýa nu quadru di liri stillini.

Tu senti l'ecu di ddi forti genti
ma s'arruggiaru puru l'armamenti.

I t˛ pidagni non zu chi scaddilini
e ni cianci 'u cori, pinzannu la t˛ fini!
___________________________________________________________________

TUNNARI

'Nnati d'oru
pi patruni, raie e tunnaroti;
i tunni passÓunu a migghiara
quasi terra terra.

Chţ misteri calati
ogni tunnara iaprýa i ganasci
e i tunni,
senza sapiri 'a s˛ sotti,
nziccÓunu 'ntÔ cÓmmira dÔ motti.

'Ccuminzava 'u finimunnu:
sguazzi, scuma ianca a bugghi bugghi
a cacciofuliari,
coppa 'i cuda,
sangu russu a paparina.
"Si v˘i výdiri 'a 'ccisa dţ tunni
cettu chi ti 'nzunzi a tutti i banni"
dicýa un dittu 'nticu.

L'acqua vinýa a mancari,
i nnimali cull'occhi pappaddusi,
a strinci strinci,
scantati, 'nzalanuti, 'nzanguliati
annÓunu ˘ s˛ distinu.

Paccuscenicu 'nfinnali,
milli buci, milli ciaularýi
nchianÓunu ˘ celu.
I tunnaroti cu facci staciunati,
a filirata
e armati di raffi,
'mmiddÓunu coppa cu tutti i sacramenti.
U rais 'ntÔ muciara i puttava a mmaciarti
pi ll'uttimi ssaccati.

Tunnari 'i Favignana,
'i Punta Raisi,
'i Sagnoggi,
dű 'Liveri,
dű Tonu e dű PÓssiru,
a vui stanotti
'u cantu dű me' cori;
e cu mi 'scuta
'stu pezzu di Sigýlia pidduta.
___________________________________________________________________

Indietro